Tilviljanir???

Ég var að skoða heimasíðu Heilbrigðis- og tryggingamálaráðuneytisins. Nær allar fréttir á síðunni segja frá undirritunum samkomulaga um hitt og þetta síðustu dagana, stundum tvisvar á dag. Aðra mánuði eru samkomulög undirrituð mun sjaldnar, en auðvitað heldur enginn því fram að undirritanir sem þessar séu geymdar fram að síðustu dögum fyrir kosningar. Hlýtur það ekki að vera helber tilviljun að Siv Friðleifsdóttir sjáist rita undir nýtt samkomulag í hverjum fréttatíma?

Ég yrði samt ekkert hissa þó hún ætti eftir að undirrita að minnsta kosti einn samning á dag fram að kosningum og öll skiptin rata í fréttir.

Dæmi:

5.5.2007 : Samið við Tannlæknafélag Íslands um tannlæknaþjónustu þriggja og tólf ára barna
4.5.2007 : Samið um geðheilbrigðisþjónustu á Sauðárkróki og Ísafirði
4.5.2007 : Aðgangur tryggður að bóluefni gegn heimsfaraldri inflúensu
2.5.2007 : Þjónustusamningur við SÁÁ framlengdur